A BIBLIOTECA DE MEL

 Agora que estamos a rematar o curso toca facer balance das actividades realizadas.  Foron moitas e de distintas características pero esquecémonos no seu momento de mencionar unha moi especial: O obradoiro de Biblioteca Creativa impartido por BRAZOLINDA, este obradoiro levouse a cabo na 2ª avaliación e levárono a cabo co alumnado de infantil e 1 ciclo de primaria. Neste obradoiro aprenderon un montón de xogos que de seguro imos utilizar no curso que vén!!

HOXE CELEBRAMOS O DÍA DO LIBRO   Para conmemorar o día do libro hoxe realizamos unha serie de actividades no colexio. Xa dende onte e ata mañá hai na entrada do colexio unha exposición de minilibros creados polos nen@s de primaria. Aquí me vedes custodiando tan valiosos exemplares!!! Logo do recreo da mañá recibimos a visita dos usuarios do centro de día para realizar unha lectura compartida dunha serie de contos co alumnado de 3º e 4º. Moitas grazas pola visita!!! Xa pola tarde houbo un apadriñamento lector do alumnado de 3º ciclo con infantil e 1º ciclo de primaria. Pasámolo xenial!!! FELIZ DÍA DO LIBRO  

 SEGUNDA DAS ENTREVISTAS POLO M. ESTA VEZ TIVEMOS O PRIVILEXIO DE FACERLLE UNHA ENTREVISTA A UNHA CANTANTE DE PROXECCIÓN INTERNACIONAL: ELISA C. MARTÍN. AGARDAMOS QUE VOS GUSTE!!

 PRIMEIRA DAS ENTREVISTAS REALIZADAS POLO ALUMNADO DE 5º A MULLERES RELACIONADAS CO CENTRO E REALIZADAS CO GALLO DA CONMEMORACIÓN DO 8M.

Co gallo da celebración do día de Rosalía, o pasado 23 de febreiro, @s nen@s de educación primaria, en colaboración co EDLG e polos creativos fixeron este Biopic sobre a vida e a obra de Rosalía de Castro. Agardamos que vos guste!!!

 SEGUNDA ENTREGA DE RESUMOS DOS VOSOS LIBROS FAVORITOS!! DESTA VOLTA CONTÁNOLO MARA SIXTO DE 5º DE INFANTIL, XABI BASANTA E ALEX MASEDA DE 5º! GRAZAS, DENTRO DE POUCO 3ª ENTREGA! A SEGUIR LENDO E DESFRUTANDO!!

AQUÍ TEDES A 1ª ENTREGA DOS BOOK TRAILERS DOS VOSOS LIBROS FAVORITOS! GRAZAS POLA COLABORACIÓN E A SEGUIR LENDO!!!

 DÍA EN CONTRA DA VIOLENCIA DE XÉNERO (25N) Este ano conmemoramos o día para a erradicación da violencia de xénero realizando un traballo colaborativo onde cada neno e nena do centro pegou unha pisada cunha mensaxe en contra da violencia machista ademais dun mural na entrada do centro. Á tarde celebramos a lectura dun manifesto feito polo 3º ciclo e interpretamos unha canción creada a partir da IA.  

 Co gallo da celebración do Samaín/ Halloween, dende a biblioteca pedimos ás familias que nos mandaran contos de medo que se contaran ao pé da lareira os nosos maiores ou, de non darse o caso, que tiveran pasado de xeración en xeración para facer con eles unha exposición dos mesmos. De entre eles escolleremos un par deles e faremos unha gravación /ficción sonora que compartiremos por este blogue e máis a páxina do colexio. Moitas grazas familias!!! 

O PASADO VENRES 24 CELEBRAMOS O DÍA DAS BIBLIOTECAS NA CASA DA CULTURA. NESTE SITIO ASISTIMOS A ACTUACIÓN DE TÍTERES POR PARTE DA COMPAÑÍA MIRCROMINA TÍTERES NA QUE TON ARENAS CONTOUNOS UNHA REINTERPRETACIÓN DA HISTORIA DE PARDO DE CELA E ISABEL DE CASTRO NA OBRA "PASMO DE PEDRA. O MARISCAL.

A BIBLIOTECA ESTÁ ABERTA !!! Benvidos un curso máis a este espazo no que podedes botar ou ler un conto, xogar a xogos moi divertidos, pintar, ler e aprender... e incluso estudar. Lembrade as normas que hai no corcho á entrada da mesma e desfrutádea!! Este ano como  novidade temos un novo recuncho para lectura e descanso  o rincón "chill de cojines"  e do que poñemos unha foto a continuación.     Éste é un espazo de tod@s e para tod@s polo que coidadeo para conservalo o mellor que se poda.

O pasado venres, e encadrado nas actividades a realizar dentro do programa Biblioteca creativa no curso 2024-2025, recibimos a visita de Iria e Javi de Xogando nas nubes de Burela para realizar un obradoiro de xogos. Uns xogos, que este ano adquiriu o centro grazas a axuda do PLAMBE.           Neste obradoiro aprendemos a xogar con xogos de lóxica, matemática linguaxe e o pasamos e pasaron xenial os nenos e nenas do 2º e 3º ciclo.  Moitas grazas por todo a Xogando nas nubes  e como dicía o outro... " A JUGAR!!!"

 DENDE O PROXECTO DO CENTRO EN COLABORACIÓN CO EDLG E BIBLIOTECA, OS NENOS DE 6º FIXÉRON UNHA ENTREVISTA A GRANDE AMORE. AQUÍ TEDES A ENTREVISTA GRAZAS NUNO E AGARDAMOS QUE VOLVAS PARA UN CONCERTO OU UN VIDEOCLIP!

Neste día da paz, e en colaboración co equipo coordinación de extraescolares realizouse un evento no recibidor onde fixemos un semáforo da paz. Todo o alumnado xuntouse e falamos sobre o significado das palabras que ían nas distintas cores relacionadas, tanto ca paz como coa violencia e a guerra. Finalmente cantamos a canción de Juanes Paz, paz, paz acompañada de instrumentos de percusión. Antes Despois

 Se ben o ano pasado conmemoramos a semana da discapacidade con sesións de cine na biblioteca; este ano a biblioteca saíu as aulas para facer uns apadriñamentos lectores do 3º ciclo para o resto do cole. Ademais diso o alumnado de 3º fixo unha obra de teatro con moitas frutas!!

  DENDE A BIBLIOTECA SOLICITOUSE ÁS FAMILIAS QUE XUNTO AOS NENOS E NENAS CREARAN CARTACES CON MENSAXES E REIVINDICACIÓNS POLA ERRADICACIÓN DA VIOLENCIA DE XÉNERO. AQUÍ TEDES UN VÍDEO RESUMO DOS CARTACES E UN PEQUENO ANACO DO ACTO CELEBRADO NO RECIBIDOR DO COLEXIO. MOITAS GRAZAS ÁS FAMILIAS POLA VOSA COLABORACIÓN. NON A VIOLENCIA DE XÉNERO

  Aquí tedes o relato gañador do concurso do Samaín e a súa dramatización por parte do curso de 2º de primaria. Noraboa aos premiados e desfrutade moito desta obra terrorífica!!!! CONTO

           Pois outro ano máis volvemos abrir a nosa humilde Biblioteca para todo o alumnado. E ao igual que fixemos o ano pasado, este feito tivo lugar o día das bibliotecas (24 de outubro), para celebralo como se merece tivemos unha actuación do contacontos Caxoto na casa da cultura, onde nos contou e cantou historias moi divertidas e tamén nos falou das marabillas da lectura e o que os contos contados supuxeron para el na súa vida... ah! e regalounos un libro dedicado para o cole! Démoslle un pequeno lavado de cara á biblioteca, como podedes ver nas fotos. Á diferenza do ano pasado, neste curso decidiuse que por problemas de tempo e recursos, estará aberta ao público nas horas de lecer (á maña e ao mediodía) con excepción do venres, que agás excepcións estará pechada. Na biblioteca ademais de libros e cómics contamos con xogos de mesa e de construción moi divertidos e zonas de lecer para relaxarse e falar... en baixiño, xa sabedes.

XA ESTAMOS DE VOLTA NO COLE! BENVIDOS DE NOVO AO COLO CEIP SANTA MARÍA DO VALADOURO!!! DE SEGURO QUE ESTE ANO ÍMOLO PASAR XENIAL XOGANDO, APRENDENDO E DESCUBRINDO UN MONTÓN DE COUSAS!! A BIBLIOTECA OMEZARÁ A SÚA ANDAINA O 24 DE OUTUBRO NO DÍA DAS BIBLIOTECAS XA QUE ANTES ESTAMOS DÁNDOLLE UNHA VOLTIÑA PARA QUE SE PODA APROVEITAR MOITO MELLOR... MENTRES TANTO SEGUIREMOS INFORMANDO... UN SAÚDO DE MEL DENDE A BIBLIOTECA

Aquí podedes visualizar a revista feita por 4º curso na materia de proxecto competencial para este ano. Agardamos que vos guste.