A BIBLIOTECA DE MEL

Para o día das letras galegas, que celebramos o día 16 de maio,  dende o cole estivemos a preparar semanas antes unha entrevista para explicar a vida e obra da homenaxeada neste día: María Luísa Villalta. Estas entrevistas, nas que participaron todos as clases do colexio,  fixéronse con formato de Radio  e graváronse na biblioteca. Logo montáronse con imaxes. Para ver esta entrevista e mais unha escolma de textos e poemas improvisouse un cine no ximnasio. Aquí tedes un pequeno momento do cine Para que as familias do centro puideran ver o resultado final fixemos uns códigos QR de cada unha das entrevistas que situamos no recibidor do colexio. Aquí tedes os códigos QR por si queredes descargalos vós.

 Neste 3º trimestre e durante o mes de maio víuse realizando con certa periodicidade  a visita dalgunhas familias que se prestaron a ler e interpretar contos os máis picariños do cole. Esta iniciativa, que xorde dende o equipo de infantil, quere facer fincapé na necesidade de que as familias se integren no colexio e participen das actividades do centro e que o pasen tan ben como o pasan pequenos e maiores vendo como contan estes contos. Aqui vos deixamos un recordo do paso dalgunhas familias polo centro.... moitas grazas as mamas de Izan, Sergio e Telmo de 3 anos!!!  Para o ano máis!!!